Koi chehra hua….

Koi chehra hua roshan na ujagar ankhain
Aina dekh rahi thin meri pathar ankhain

Le uri waqt ki andhi jinhen apne hamrah
Aaj phir dhund rahi hain wahi manzar ankhain

Phut niklin to kai shahar-e-tamanna dube
Ek qatre ko tarasati hui banjar ankhain

Us ko dekha hai to ab shauq ka wo alam hai
Apne halakon se nikal ai hain bahar ankhain

Tu nigahon ki zuban Khub samajhata hoga
Teri janib to utha karati hain aksar ankhain

Log marte na dar-o-bam se takara ke kabhi
Dekh lete jo ‘Kamal’ us ki samandar ankhain.

Nakaam si koshish kiya karte hain,
Hum hain ki unse pyar kiya karte hain,
Khuda ne takdir me ek tuta tara nahi likha,
Aur hum hain ki chaand ki aarzu kiya karte hain..

Teri yaad se rishta kal be tha,
Teri yaad se rishta aaj be hai

Dil apna dukhta kal be tha,
Aur afsurda aaj be hai

Woh pyar jo hum tum se karte thay,
Woh pyar tu zinda ajj be hai

Tum door howe majboori mein,
Hum bichur gae is doori mein

Kabhi waqt miley tu chale ana,
khula Dil ka Darwaza ajj b hai